ЎФФ расмий твиттери Ироқ ва Ўзбекистон олимпиячилари ўртасида ўтадиган бугунги расмий ўйинга оид баъзи хабарларни тарқатди.
«21 февралда Доҳада ўтказиладиган Ироқ-Ўзбекистон учрашувида расман майдон эгаси ҳисобланган Ироқ яшил, Ўзбекистон эса оқ либосда ўйнайди», дейилади хабарларнинг бирида.
«Ўйинга 6 ярим соат қолганда Қатар пойтахти Доҳада учаётган тўпнинг йўналишини ўзгартирадиган даражада кучли шамол турди», дейилади бошқа хабарда.
«Ўзбекистон олимпия терма жамоаси «Ал-Арабий» стадионида ўтказилган ўйинолди машғулотларида асосан стандарт вазиятларга эътибор қаратди», деб хабар қилинади яна.
