"МЮ" бош мураббийи Оле-Гуннар Сульшер "Ньюкасл"га қарши кечаги учрашувдан кейин ўз фикрини билдириб ўтди. У Роналду факторига алоҳида эътибор берди:

"Барча клубга янги қўшилганлар ўзини ким эканини исботлаши керак. Роналду кеча буни амалда кўрсатиб бера олди. Кеча стадиондаги атмосфера жуда ҳам ажойиб эди. Клуб мухлислари сўнгги ўн кун, у шартномага имзо чекканидан буён жуда ҳам қувончдалар. У қўлидан нима келиши мумкинлигини кечаги ўйинда кўрсатди ва бутун жамоани яна бир бор юқорига кўтарди. У мукаммал, футболчи сифатида етук ҳамда бошқалардан ажралиб туради. У бу ердан кетганида бошқача эди, қайтганида эса янада юксалишга эришди. У ҳали-ҳамон шавфқациз ва бемисил тўпурар. Роналду гол исини сеза олади. Шунинг учун керакли пайтда керакли жойда ҳозир туради. Мен ундан янада кўпроғини кутаман".