"Ливерпуль" ўз футболчиси Ҳарви Эллиот аҳволи юзасидан расмий баёнот берди. 18 ёшли вингер кеча "Лидс"га қарши баҳсда Паскал Стрёйкнинг қўпол ҳаракатидан кейин оёғи цинган ҳолда майдонни тарк этган эди.

Клуб баёнотида шундай дейилади: "Ливерпуль" клуби Ҳарви Эллиотнинг "Лидс"га қарши ўйиндан сўнг жиддий тўпиқ жароҳати олганини тасдиқлайди. 18 ёшли футболчи иккинчи бўлимда "Эллан Род"дан замбилда олиб чиқиб кетилди. Эллиот кўрикдан ўтказилганида шу нарса маълум бўлдики, у тез орада жарроҳлик столига ётқизилади. Бу борада янги маълумотлар бериб борилади. Ҳарви , унинг ота-онаси ҳамда "Ливерпул" клуби Лидс шаҳридаги тиббий муассаса марказига ўз миннатдорчилигини билдиради".