Пауло Дибала ва "Ювентус" раҳбарияти ўртасидаги музокаралар якунланмоқда. Томонлар асосий масалалардан бири - иш ҳақи миқдори бўйича келишиб олдилар.
Тахминларга кўра, Дибала 8 миллион евро маошга рози бўлган. Қўшимча 4 миллион ҳар хил ютуқлар учун бонус сифатида рўйхатга олинган.
Todofichales нашрининг сўзларига кўра, Дибалани кўп йиллар давомида "Ювентус" етакчиси сифатида қаралиши алоҳида кўрсатиб ўтилган.
Эслатиб ўтамиз, аввалроқ "Барселона" футболчига қизиқиш билдирганлиги ҳақида хабар берилганди, аммо бу маълумот тасдиқланмаган.