Англиянинг «Челси» клуби сўнгги олти учрашувдан бери ғалаба қозона олмаяпти. Лондонликлар Англия Премьер-лигасида «Норвич», «Суонси» ва «Манчестер Юнайтед» билан дуранг ўйнашди, Англия Кубогида эса «Бирмингем»ни мағлубиятга учрата олишмади.
Эслатиб ўтамиз, «Наполи»га қарши учрашувдаги муваффақиятсизлик «кўклар» учун кетма-кет олтинчиси бўлди.
«Челси» илк бора 2010 йилнинг ноябрь-декабрь ойида кетма-кет олти ўйинда ғалаба қозона олмаганди. Ўшанда бу нохуш серия «Болтон»га қарши учрашувда тўхтатилганди. Қизиқ томони, лондонликлар Англия чемпионатининг кейинги турида айнан «Болтон»га қарши майдонга тушишлари керак.