«Реал» ҳужумчиси Лука Йович «Ювентус» «радарига тушган», деб хабар беради Evro-Futbol нашри. Сербиялик футболчи Мадрид грандида сафида ўз ўрнини эгаллаш учун ҳаракат қилмоқда. Бироқ, агар муваффақиятсизликка учраса, Турин клуби уни жамоага таклиф қилишга тайёр. Ҳозирча Йовичнинг келажаги аниқ эмас. Сабаби, Лука янги мавсумда «қаймоқранглилар» таркибидаги иккита ўйинда атиги тўққиз дақиқа ўйнади.
Calcio Mercato нашри хабарига кўра, «Ювентус» Лука Йовични ижарага олмоқчи, бироқ «Реал» серб футболчисини дарҳол сотишни режа қилган.
Эслатиб ўтамиз, ўтган мавсумнинг иккинчи қисмини Лука Йович ижара асосида Германиянинг «Айнтрахт» клубида ўтказган.