Даниялик ҳимоячи Симон Кьер «Милан» билан шартномасини узайтиришга яқин турибди. Бу ҳақда португал инсайдери Педро Алмейда твиттерда маълум қилди.
Манбага кўра, янги шартнома 2024 йилгача имзоланади. «Россонерилар» ва 32 ёшли футболчи ўртасидаги амалдаги келишув келаси йилнинг ёзида якунига етади. Кьернинг ўзи «Милан»да қолишни истайди, шунинг учун музокаралар муаммосиз ўтиши керак.
2020/21 йилги мавсумда Кьер «Милан» таркибида барча турнирларда 39 ўйин ўтказди, 1 гол урди ва 2 голли узатмани амалга оширди. Transfermarkt унинг ҳозирги нархини 10 миллион еврога баҳоламоқда.
