Daniyalik himoyachi Simon Kyer «Milan» bilan shartnomasini uzaytirishga yaqin turibdi. Bu haqda portugal insayderi Pedro Almeyda tvitterda ma’lum qildi.
Manbaga ko‘ra, yangi shartnoma 2024 yilgacha imzolanadi. «Rossonerilar» va 32 yoshli futbolchi o‘rtasidagi amaldagi kelishuv kelasi yilning yozida yakuniga yetadi. Kyerning o‘zi «Milan»da qolishni istaydi, shuning uchun muzokaralar muammosiz o‘tishi kerak.
2020/21 yilgi mavsumda Kyer «Milan» tarkibida barcha turnirlarda 39 o‘yin o‘tkazdi, 1 gol urdi va 2 golli uzatmani amalga oshirdi. Transfermarkt uning hozirgi narxini 10 million yevroga baholamoqda.
