Испания чемпионатининг 5-тури доирасида «Атлетико» ўз майдонида Бильбаонинг «Атлетик» клубини қабул қилиб, дурангга имзо чекди.

Мадридликлар бундан 3 кун аввал "Порту"га қарши Чемпионлар лигаси баҳсини ўтказишгани боис, бу сафар уларда бироз толиқиш сезилди. Биринчи бўлим нисбатан хотиржамроқ кечган бўлса, иккинчи тайм ҳиссиётларга бой бўлди.

Айниқса, бўлим аввалида Анхель Корреа ва Иньяки Уильямс қулай имкониятдан фойдалана олишмади. Учрашувнинг 75-дақиқасида "Атлетико" ҳисобни очишга яқин келди, аммо Маркоса Льорентенинг зарбасидан кейин тўп устунга тегиб қайтди.

Кейин эса мезбонлар футболчиси Жоау Феликс бир дақиқа ичида иккита сариқ карточка олиб, майдонни тарк этди. Майдонда бир киши кўп бўлиб қолган басклар ғалабани илиб кетишлари мумкин эди. Аммо Асьер Вильялибренинг зарбасига аниқлик етишмади.

Ушбу дуранг туфайли "Атлетико" ўз очколарини 11тага етказиб, вақтинчалик бўлса-да пешқадамга айланди. "Бильбао" ҳисобида эса 9 очко мавжуд (4-ўрин).

Испания чемпионати, 5-тур
Атлетико – Атлетик 0:0 (0:0, 0:0)
Атлетико – Облак, Триппьер (Матеус Кунья, 77), Савич, Хименес, Эрмосо, Лоди (Карраско, 55), Кондогбиа (Эррера, 55), де Пауль, Льоренте, Гризманн (Суарес, 55), Корреа (Жоау Феликс, 60).
Атлетик – Унаи Симон, Лекуэ, Мартинес, Вивиан, Баленсиага, Дани Гарсия (Саррага, 87), Венседор (Весга, 80), Рауль Гарсия (Уильямс, 63), Беренгер, Уильямс (Вильялибре, 63), Муниаин (Морсильо, 81).
Огоҳлантиришлар: Дани Гарсия (30), Кондогбиа (36), Жоау Феликс (78), Савич (79), Уильямс (82), Матеус Кунья (89), Хименес (90).
Четлатиш: Жоау Феликс (78).