"Интер Майами" клуби ҳужумчиси Гонсало Игуаин клуби билан шартномаси тугаши билан футболдан кетишини билдирди. "Football Italia" нашри хабар беришича, 33 ёшли футболчини амалдаги шартномаси 2022 йилнинг декабрь ойига қадар мўлжалланган.
У бу муддат якунланиши билан футболдан кетади. Бу ҳақда унинг ўзи шундай дейди: "АҚШдаги тузган битимим тугашига бир йил қолди. Бу ўз ниҳоясига етгач, футболдаги фаолиятимга якун ясамоқчиман. Менга шу йўл маъқулроқ кўринаяпти".
Гонзало ўз карераси давомида "Майами" ва "Реал"дан ташқари, "Ювентус", "Милан" ҳамда "Челси" каби гигант клубларда тўп сурган.
