Бир пайтлари дунёнинг энг кучли ҳужумчилари қаторида кўрсатилган бразилиялик футболчи Адриано эстрада оламига трансфер бўлди. France Football нашрининг хабарига кўра, “Коринтианс” клубида тўп сурувчи 30 ёшли ҳужумчи А10 номли продюсерлик студияси очди.
Футболчи хонандаларнинг биринчи планда ҳақ-ҳуқуқларини ҳимоя қилиш учун шу студияни ташкил қилганлигини айтган. Шунингдек, юрагида ўти бор отарчиларни юлдуз қилиш нияти ҳам йўқ эмас.
Италиянинг “Интер” клубида машҳурлик чўққисига чиққан футболчи шахсий ҳаётидаги муаммолар ва спорт формасини йўқотгани боис 2009 йилда Италияни тарк этиб, “Фламенго” сафига бориб қўшилганди.