Goal хабарига кўра, «Манчестер Юнайтед» раҳбарияти яримҳимоячи Поль Погба ёзда жамоани тарк этиши мумкинлигидан хавотирга тушмоқда, шунинг учун клуб француз футболчисининг ўрнига ўринбосар излай бошлади. ОАВ Погбанинг эркин агент сифатида «Реал»га ўтишига ишонмоқда.
Манбага кўра, манкунианликлар Дортмунднинг «Боруссия» клуби футболчиси Жуд Беллингем номзодини кўриб чиқмоқда. Инглиз футболчиси 55 миллион еврога баҳоланмоқда, аммо «асаларилар» бу трансферда камида 100 миллион евро ишлаб топиш ҳақида ўйламоқда.
Жуд Бундеслиганинг янги мавсумида 5 та учрашув ўтказган бўлиб, ўз ҳисобига 1 та гол ва 1 та голли узатмани ёзиб қўйган.
