Туркия суперлигасининг 6-тури доирасида "Бешиктош" ўз майдонида "Адана Демиспор"ни қабул қилиб, 3:3 ҳисобидаги дурангга имзо чекди.

Мезбонлар биринчи бўлимда 2та, иккинчи тайм бошида яна битта гол уриб, 3та тўп фарқи билан олдинга ўтиб олишган эди. Аммо аданаликлар ярим соат ичида учта тўп киритиб, сафардан дуранг билан қайтишди. Меҳмонларнинг голларига Матиас Варгас, Марио Балотелли ва Бритт Ассомбалонга муаллифлик қилишди.

"Бешиктош" Туркиянинг амалдаги чемпиони ҳисобланади. Бу жамоа жорий мавсумда 14 очко билан пешқадамлик қилмоқда. "Адана Демирспор" эса 6 очко билан 12-поғонани банд этган.

"Бешиктош" - "Адана Демиспор" - 3:3 (2:0)
Голлар: Монтеро, 20 - 1:0, Жозеф, 43 - 2:0, Йилмаз, 52 - 3:0, Варгас, 60 - 3:1, Балотелли, 79 - 3:2, Ассомбалонга, 90+7 - 3:3