Украина терма жамоаси бош мураббийи Олег Блохиннинг айтишича, ҳужумчилар Андрей Воронин ва Артём Милевский бўлажак Европа чемпионатини томошабинлар қаторида томоша қилишлари мумкин.
"Терма жамоа мураббийининг мавсум оралиғидаги асосий муаммоларидан бири бу — ўз шогирдлари ҳақида маълумотларнинг етишмаслигидир. Бизга эса бир қанча маълумотлар келиб тушган ва ҳозирда буларни кўриб чиқяпмиз. Бундан ташқари клубларнинг шифокорлари билан алоқа ўрнатганмиз, улар бизга термага номзод ўйинчиларнинг ҳолати ҳақида хабар қилиб туришибди.
Мени Воронин ва Милевскийнинг терма жамоадаги ёмон ўйинлари безовта қиляпти ва улар билан бу ҳақда гаплашиб олишим керак. Уларнинг ўйини шу ҳолатда давом этаверса Европа чемпионати учун белгиланадиган таркибдан четда қолиб кетишлари мумкин. Аввал айтиб ўтганимдай биз футболчиларнинг номларига қараб ўтирмаймиз", дея унинг сўзларидан иқтибос келтиради "Спорт-Экспресс в Украине" нашри.
