ОФК Кубоги-2021 ҳудудлари ярим финал баҳсида «аждарлар» Ҳиндистоннинг «Моҳун Баган» жамоасини қабул қилди ва йирик 6:0 ҳисобида ғалаба қозониб мусобақанинг кейинги босқичига чиқди. Беллашувда учта гол киритиб мусобақа тўпурарига айланган Ҳусайн Норчаев беллашув ҳақида ўз фикрлари билан бўлишди.
«Авваламбор барчани муҳим ғалаба билан табриклайман. Стадионга ташриф буюрган мухлисларнинг ҳам кечаги ғалабада ҳиссаси катта бўлди. Мухлислар кўз олдида футбол ўйнаш ёқимли. Ўйин тўлиқ бизнинг назоратимизда ўтди десам ҳам бўлади. Керакли натижани қўлга киритиб кейинги босқичга чиққанимиздан хурсандман.
Кечаги беллашувда киритган голларимни жамоамиз мухлисларига ҳамда оила аъзоларимга бағишлайман. Ҳужумчи учун тўпурарлар орасида бўлиш ёқимли» - деб ўз фикрларини якунлади Ҳусайн Норчаев.
