«Арсенал»нинг «Реал» ҳужумчиси Марко Асенсио учун юборган 34 миллион фунтлик таклифи мадридликлар томонидан рад этилган. «Mirror» нашри хабарига кўра, Лондон гиганти 25 ёшли испаниялик учун бу ёзда таклиф билан чиққан.
Бу таклиф тезда рад этилган. Таъкидланишича, ушбу миқдор Асенсио учун арзондек кўрилган. «Тоттенхем» ва «Милан» ҳужумчи учун жиддий даъвогарлар саналади. Улар кейинги ёзда футболчи учун ҳаракат қилиши айтилган.
Марко Асенсио бу ҳафтада ўтказилган «Малёрка»га қарши баҳсда янги мавсумда илк марта майдонга тушди ва хет-трик муаллифига айланди.
