«Барселона» мураббийи Роналд Куман ўзи билан клуб раҳбарияти ўртасида кескинлик борлигини айтиб ўтди. Маълумотларга кўра, «Барса» раҳбари Хуан Лапорта нидерландиялик мутахассисга тўртта ўйиндан иборат имконият берган.

Бу ҳақда Куманнинг ўзи шундай дейди: «Ўша кундан бери(«Леванте» ўйинидан сўнг) биз Лапорта билан деярли гаплашмадик. Оҳириги марта »Кадиз«га қарши баҳс олдидан самолётда кўришгандик, холос. Мен миш-мишларни биламан. Лекин ўйинларни ютишимиз шарт эди. Бу нарсаларга ортиқча вақт сарфлай олмайман. Чунки мен бу нарсаларни бошқара олмайман».

«Барселона» турнир жадвалида ҳозирда 5 та турдан кейин 9 очко билан 8  ўринда жойлашган.