Мадриднинг «Реал» клуби Ла Лига 7-турида «Вильярреал» билан ўйинда голсиз дуранг қайд этди.
Ушбу баҳс Мадрид клубининг испаниялик яримҳимоячиси Марко Асенсио учун 200-ўйин ўйин бўлди. Қироллик клуби у майдонга тушган 127 та беллашувда ғалаба қозонган, футболчининг ўзи эса 40 та гол урган.
Асенсио «Реал» сафида Ла Лигада 135, Чемпионлар лигасида 40, Испания кубогида 17, Европа суперкубогида 3, Испания суперкубогида 3 ва клублар ўртасидаги жаҳон чемпионатида 2 та ўйин ўтказган.
Марко «Реал» таркибидаги дебютини 2016 йили Европа суперкубогида «Севилья»га қарши ўйинда амалга оширганди.
