Литвада бўлиб ўтаётган футзал бўйича жаҳон чемпионатида бугун чорак финалнинг 2та учрашуви бўлиб ўтди.

Бразилия терма жамоаси Марокашга қарши ўйинда ягона гол эвазига ғалаба қозонди. Родриго баҳснинг 11-дақиқасида африкаликлар дарвозасини ишғол қилди.

2016 йилги ЖЧ финалчилари — Россия ва Аргентина ўртасидаги баҳс жуда қизиқарли кечди. Дастлаб ўйиннинг 25-дақиқасида "албисилесте" сардори Куццолино стандарт вазиятдан ҳисобни очган бўлса, баҳс тугашига 5 дақиқа қолганида Антошкин ҳисобни тенглаштирди.

Қўшимча бўлимлар бошланишидан аввал аргентиналикларнинг фоллари сони 5тага етганди ва улар экстра-таймда олтинчи қоидабузарликни содир этишди. Асадовнинг 10 метрдан йўллаган дабл-пенальтисини Аргентина посбони қайтаришга муваффақ бўлди.

Қўшимча таймларнинг иккинчисида ташаббус Россияга томонига ўтиб кетди. Жанубий америкаликларнинг 37 ёшли мураббийи майдонга бешинчи ўйинчини тушириб, рақибнинг ўйин темпини бузишга муваффақ бўлди ва учрашувни пенальтилар сериясига кўчирди.

"Лотерея"да ғалаба қозониш учун ҳар икки жамоа яхши имкониятга бўлди. Етти мартадан зарба йўлланганидан сўнг Аргентина 5:4 ҳисобида ғалаба қозониб, ярим финал йўлланмасини қўлга киритди.

Ярим финалда Бразилия ва Аргентина терма жамоалари ўзаро тўқнаш келишади.

Футзал бўйича ЖЧ, чорак финал
Марокко – Бразилия – 0:1 (0:1)
Гол: Родриго (11)

Россия – Аргентина – 1:2 (1:1). Пенальтилар серияси — 4:5.
Голлар: Антошкин (35) — Куццолино (25)