"Локомотив" дарвозабони Жавоҳир Илёсов клуб матбуот хизматига "Машъал"га қарши ўйин арафасида қисқача интервью берди.

— Мураббийлар штабининг кўрсатмаларига жиддий равишда риоя қиляпмиз. Айни дамда мақсад бир — ҳар бир ўйинда ғалабага эришиш. Ҳа, ўтган турда оғриқли тарзда мағлуб бўлдик. Аммо бу футбол. Таслим бўлишни истамаймиз. Олдинда ўйинлар кўп. Келажакка оптимистик тарзда қараяпмиз.

— Рақиблар ҳақида нима дея оласиз?
— «Машъал» — менинг юрагимдаги жамоа. У ерда узоқ вақт ўйнадим. Шу сабабли ушбу жамоага қарши баҳс мен учун ўзгача аҳамият касб этади. «Машъал»нинг таркиби ёмон эмас, улар билан ўйнаш осон бўлмайди. Уларнинг турнир жадвалидаги ўрни ҳеч нимани англатмайди

— Ушбу баҳсга мухлислар ҳам киритилади. Умуман олганда, трибунадаги мухлисларнинг танқидларисиз ўйнаш яхшими ёки тескариси?
— Албатта, мухлислар билан. Трибунадаги мухлислар доимо футболчиларга куч беради. Биринчи навбатда, футбол мухлислар учун ўйналади. Уларнинг стадионга қайтиши чемпионатнинг сифатини ҳам оширади. Ўз навбатида биз ҳам ўз мухлисларимизни хурсанд қилишга интиламиз.