Ўзбекистон миллий терма жамоаси 25 февраль куни Чонгчжудаги «World Cup» стадионида Жанубий Корея терма жамоасига қарши ўртоқлик учрашувида майдонга тушади. Вадим Абрамов шогирдари 24 февраль куни ўйин бўладиган стадионда ўйинолди машғулотларини ўтказишди. Бу ҳақда ЎФФ расмий сайти хабар бермоқда.
Ўзбекистон миллий терма жамоаси 23 февраль куни Кореядаги дастлабки машғулотларни ўтказган эди. Бош мураббий Вадим Абрамов ва катта мураббий Шуҳрат Мақсудовнинг анъанавий дастури асосида 18 та футболчи шуғулланган, олимпия терма жамоаси таркибида жароҳат олиб сафдан айрилган Акбар Исматуллаев эса майдон четида югуриш машқлари билан чекланганди.
Қуйида «World Cup» стадионида ўтказилган машғулотлардан олинган суратларни кўришингиз мумкин.
