Италия терма жамоаси собиқ бош мураббийи Марчелло Липпи Италия матбуотида тарқалган, унинг "Лацио" билан музокаралар олиб бораётгани ҳақидаги хабарларни инкор этди.
"Мен миллий терма жамоани бошқармоқчиман. Ҳеч қайси клубда фаолият олиб бориш ниятим йўқ. Буни минг марта қайтаряпман. Бу фикримни ҳеч қандай вазият ва ҳолат ўзгартира олмайди. "Лацио" президенти Лотито менга қўнғироқ қилса нима бўлади? Аввало, у ҳозирча менга қўнғироқ қилгани йўқ. Аммо у менинг истагим ҳақида газеталарда жуда кўп бора ўқиган деб ўйлайман", — дея қатъий таъкидлади 63 ёшли мутахассис.
