Кеча, яъни 28 сентябр куни Чемпионлар лигасининг 2-тур учрашуви бўлиб ўтди, унда «Реал» сенсацион тарзда Тирасполнинг «Шериф» клубига ютқазиб қўйди (1:2).

«Шериф»нинг ўзбекистонлик футболчиси Жасурбек Яхшибоев учрашувдаги биринчи гол муаллифига айланди. Ўйиндан кейин Жасур қисқа интервью берди ва ўз таассуротлари билан бўлишди.

«Ўша пайтда ўзимни қандай ҳис қилдим? Болалигимдан «Реал»га қарши ўйнашни орзу қилардим. Мен гол уришни хоҳлардим, лекин буни амалга оширишимни хаёлимга ҳам келтирмаганман», - дейди Яхшибоев.

Эслатиб ўтамиз, кечаги ғалабадан кейин Молдова клуби ўз гуруҳида 6 очко билан етакчига айланиб олди.