Фарҳод Тоҳиров. 1990 йил 29 майда Тожикистонда таваллуд топган. Бўйи 176 см. Оғирлиги 76 кг.
Душанбенинг "Истиқлол" жамоаси ҳужумчиси. Ўтган мавсумда Тожикистон чемпионатида 27 марта рақиблар дарвозасини ишғол қилган. Миллий терма жамоа аъзоси. 11 рақамда харакат қилади. Ёқтирган футболчиси Дидье Дрогба. Лақаби ҳам "Дрогба".
2005 йилдан буён Тожикистон олий лигасида харакат қилади. Дастлабки жамоаси "Парвоз". Икки йилдан бери "Истиқлол" жамоаси аъзоси.
Икки марта Тожикистон чемпиони, икки марта Тожикистон суперкубоги соҳиби, икки бор Тожикистон кубоги соҳиби, 3 марта Тожикистон чемпионати кумуш медали ва бир бор бронза медал соҳиби.
Дастлабки саволимиз футболчидан жамоамизга қўшилиши борасида бўлди.
-"Андижон" жамоаси мен билан Туркиядаги ўқув йиғинларимиз пайти қизиққанлигини биламан (Тожикистон миллий терма жамоаси Жаҳон чемпионати саралаш баҳслари доирасида 29 феврал куни КХДР термасини қабул қилади. Шу сабабли Тожикистон терма жамоаси Туркияда йиғин ўтказди). Лекин хали хеч нарса хал бўлгани йўқ. Хозирда терма жамоа билан бирга Хўжандда КХДРига қарши ўйинга тайёргарлик кўряпмиз.
-Жамоамиз хақида, умуман Ўзбекистон чемпионати хақида хабарингииз борми?
-Ха "Андижон" жамоаси хақида эшитганман. У ерда ҳамюртим Тоҳир Мўминовнинг узоқ йиллар муваффақиятли тўп сурганлигини биламан. Шунингдек жамоа мухлисларини Ўзбекистондан биринчи рақамли мухлислар қаторида туришини кўп бор эшитганман. Ўзбекистон чемпионатини эса катта қизиқиш билан имкон қадар кузатиб бораман.
-Тожикистон терма жамоаси таркибида қачондан бери харакат қиласиз?
-2006 йилдан бери U-17, кейинчалик ёшлар ва асосий термага чақирилиб келаман. Жаҳон чемпионати саралаш баҳсларида Ўзбекистон термасига қарши ўйинда ҳам заҳира таркибида бор эдим.
-Агар бизнинг жамоага қўшиладиган бўлсангиз ўз фаолиятингиздаги илк легионерлик фаолиятингиз бўлади. Бу борада ўзингизга қандай баҳо бера оласиз?
-Умуман олганда профессионал футболчи учун аввало қайси жамоада бўлишига қарамай ўз касбини, вазифасини, яъни футболни ўйнаш керак. Лекин ўйнаётган жамоаси тарихини, анъаналарини хурмат қилиши ҳам талаб этилади. Шу сабабли мен ҳам аввало ўз вазифамни бажаришни мақсад қиламан.
Бегали Азимов суҳбатлашди.
