"Эвертон" клуби бугун "МЮ" майдонига сафар қилади. Ушбу ўйин олдидан мерсисайдликларнинг таркибида ўзгаришлар бўлади. Хусусан, жамоа Алекс Ивоби жароҳати сабаб бу ўйинни ўтказиб юбориши айтилган.
Бу ҳақда жамоа устози Рафа Бенитез шундай дейди: "Мен Алексда кичик муаммолар борлигини тан оламан. Мен унинг эртанги ўйин учун тайёр бўлиш-бўлмаслигини билмайман. Лекин бир нарсани яхши биламан: жамоамиз мухлислари унинг ўйинларидан доимо кўнгли тўлган. У ҳали ўсади".
Клубга, шунингдек, жароҳатдан Калверт-Лвин, Коулман ҳамда Ричарлисонлар қайтиши кутилмоқда. Ушбу баҳс бугун соат 16:30дан бошлаб "Футбол ТВ" телеканалида жонли эфирда намойиш этилади.
