Италия терма жамоаси бош мураббийи Роберто Манчини дарвозабон Жанлуижи Доннарумма парижликларнинг биринчи рақамли дарвозабони бўлишига ишонмоқда.
"Париж клубида икки ажойиб дарвозабон бўлсада, менимча, Жижи узоқ вақт захирада ўтирмайди ва яқин орада клубида асосий дарвозабонга айланади. У "ПСЖ" га Чемпионлар Лигасини ютишга ёрдам бериш учун борган" - дея Манчини сўзларидан иқтибос келтирмоқда "Sky Sports".
Эслатиб ўтамиз, Доннарумма "Милан"да 2014-йилдан 2021-йилгача ўйнаган ва июль ойида эркин агент сифатида клубни тарк этган. 22 ёшли италиялик футболчи Франция клуби билан 2026 йил июнь ойигача шартнома имзолади.