Каталониянинг "Барселона" клуби Бильбаонинг "Атлетик" клуби яримҳимоячиси Хави Мартинесга қизиқиш билдирмоқда. Бу ҳақда "El Mundo Deportivo" нашри хабар тарқатмоқда.
Юқорида номи келтирилган манбада ёзилишича, футболчини каталонияликлар жамоани тарк этиши тахмин қилинаётган Сейду Кейтага муносиб ўринбосар бўлишини таъкидлашмоқда.
Футболчининг "Атлетик" билан амалдаги шартномаси 2016 йилга қадар мўлжалланган. Шартномада кўрсатилган шартга кўра, Мартинес билан битимни бекор қилиши учун бошқа жамоа 40 миллион евро тўлаши керак бўлади.
Эслатиб ўтамиз, Мартинес ушбу мавсумда Ла-Лигада 20та учрашув ўтказган бўлиб 3 маротаба рақиб дарвозасини ишғол қилишга муваффақ бўлган.