Енгил вазн тоифасидаги собиқ UFC чемпиони россиялик Ҳабиб Нурмагомедов "Олд Траффорд" стадионига ташриф буюриб, "Манчестер Юнайтед" футболкасини олди.
"Афсонавий "Манчестер Юнайтед" клубининг таклифига биноан ушбу ажойиб стадионга ташриф буюриш мен учун катта шарафдир. Меҳмондўстлигингиз учун ташаккур. Умид қиламанки, Криштиану Роналду ва Девид Бекхэм 7-рақамини олганимга қарши эмаслар. Мен бу футболкани йўқотмайман. Шунинг учун уни деворга, уйимнинг энг кўзга кўринган жойига осиб қўяман", - деб ёзди Нурмагомедов ўзининг Instagram саҳифасида.













