Оғир вазн тоифасида WBC чемпиони Тайсон Фьюри "Олд Траффорд" стадионида чемпионлик унвонини ҳимоя қилиш истагини билдирди.
"Жаҳон чемпионлиги учун курашни Манчестерга қайтармоқчиман. Мен ҳар доим "Олд Траффорд"да жанг қилишни орзу қилардим. Бу ердаги сўнгги жанг 1993-йилда Юбэнком ва Бенном ўртасида бўлиб ўтган экан.
Роналдунинг "Орзулар театри"га қайтганидан жуда хурсандман, лекин бу шаҳар иккимиз учун кичиклик қилади! Агар мен Манчестерда яшаганимда, бу муаммо бўларди", - деди боксчи "Sunsport" нашрига.
Эслатиб ўтамиз, Фьюри 9 октябрь куни эрталаб Лас-Вегасда Деонтей Уайлдерга қарши рингга кўтарилади.