5-12 октябрь кунлари Саудия Арабистонининг Жидда шаҳрида оғир атлетика бўйича ўсмирлар ўртасида жаҳон чемпионати бўлиб ўтади. Мусобақада иштирок этадиган жамоамиз бугун Саудияга учиб кетди.
Жамоамиз мусобақада 9 нафар спортчи билан иштирок этади. Ушбу мусобақа ёшларимиз учун Париж-2024 Олимпия ўйинларига тайёргарлик учун кучли захира спортчиларини саралаш йўлида муҳим аҳамиятга эга. Жамоамиз таркиби:
Ўғил болалар:
Ашрафхон Абдужамилов
Ҳусинбой Матрасулов
Қудратбек Салимжонов
Диёрбек Эрматов
Қурбонмурод Намозов
Қизлар:
Озода Ҳожиева
Севинч Комилова
Нигора Сувонова
Мадина Жўраева
Мураббийлар: Нурилло Тоғаев, Жўра Зоиров.
Ўзбекистон Миллий Олимпия қўмитаси бўлажак дунё биринчилигида ёш оғир атлетикачиларимизга чемпион акаларига муносиб издош бўлишларини ва улкан ғалабалар қўлга киритишларини тилайди.
