Италия чемпионатининг 7-туридан ўрин олган «Аталанта» ва «Милан» жамоалари ўртасидаги учрашувда "россонери" муҳим ғалабани қўлга киритди.

Ўйинни кўрмаган, фақатгина ҳисобга қараб хулоса чиқарган инсон, гўёки баҳс интригаларга бой бўлгандан хулоса чиқариши мумкин. Аслида эса учрашувнинг аксарият вақти бир дарвоза олдида кечди.

"Милан" учрашувнинг биринчи дақиқасидаёқ ҳисобни очган бўлса, тайм охирида Тоналининг голи эвазига фарқни иккитага оширди. Ўйин тугашига 12 дақиқа қолганида эса Рафаэл Леау миланликларнинг учинчи тўпини киритди.

Пиоли шогирдлари шундан сўнг хотиржамликка берилишди. Майдон эгалари шундай сўнг рақиб дарвозасига 2 марта йўл топишди. Дастлаб Сапата пенальтидан унумли фойдаланган бўлса, қўшиб берилган дақиқаларда Пашалич жамоасининг иккинчи голини урди.

Бу эса мағлубиятдан қутулиб қолиш учун етарли бўлмади. "Милан" ушбу ғалабадан сўнг ўз очколарини 19тага етказди. Жамоа пешқадам "Наполи"дан 2 очко ортда қолган ҳолда 2-ўринда бормоқда.

Италия А серияси, 7-тур
Аталанта – Милан 2:3 (0:2, 2:1)
Голлар: 0:1 – 1 Калабрия, 0:2 – 42 Тонали, 0:3 – 78 Рафаэл Леау, 1:3 – 86, пенальти Сапата, 2:3 – 90+4 Пашалич.
Аталанта – Муссо, Гимшити, Демирал (Копмейнерс, 46), Паломино, Дзаппакоста, де Рон, Фройлер (Пашалич, 87), Пессина (Пеццелла, 24), Мэле (Муриэль, 56), Сапата, Малиновский (Иличич, 56).
Милан – Меньян, Калабрия, Томори, Кьер, Эрнандес (Балло-Туре, 80), Браим Диас (Жуниор Мессиас, 74), Рафаэл Леау (Пеллегри, 90), Салемакерс, Тонали (Беннасер, 80), Кессиэ, Ребич.
Огоҳлантиришлар: де Рон (40), Браим Диас (42), Томори (52), Жуниор Мессиас (85), Рафаэл Леау (88).