«Манчестер Юнайтед» собиқ сардори Гари Невилл Криштиану Роналдунинг Сульшерга муносабати ҳақида гапирди.

«Мен шанба кунги ўйинни кўрдим ва Роналдунинг майдонни тарк этишига эътибор қаратдим. Бу менга ёқди деб айта олмайман.

Криштиану ўйнамаса, асабийлашадими? — Ҳа. Криштиану гол ура олмаганда асабийлашадими? — Ҳа. Жамоа ғалаба қозона олмаганда, Криштиану ғазабланадими? — Албатта. Буни ҳаммамиз биламиз.

У ўзича ғўлдираб майдондан чиқиб кетади. Бу эса саволларни юзага келтиради. У нима дейди? Уни ким безовта қилади? Буни фақат мураббийга айтиши мумкин.

Криштиану ақлли, бундай ҳаракатлар фақат Сульшерга босимни ошириши мумкин. Агар у майдонни шундай тарк этса, мураббийга бўлган босим ортиб бораверади. Демак ҳаммаси биз ўйлаганчалик яхши эмас», дейди Невилл.