"Интер" ҳужумчиси Алексис Санчес ва раҳбариятнинг ўзаро келишмовчилиги давом этади.
Чилилик футболчи айни дам олаётган маошидан норози ва жамоа раҳбариятига ўз талабларини баён этган. У ижтимоий тармоқларда клубни тарк этиш ниятини яшириб ўтирмаяпти.
Алексис йилига 7,5 миллион евро маош олишни истайди. Бироқ "Интер" клубдаги энг кўп маош олувчи футболчининг захирада қолиб кетаётганидан мамнун эмас ва уни жамоада ортиқ ушлаб қолишдан ҳеч қандай манфаат кўрмайди.
Шунга қарамай ҳали Санчесга эҳтимолий даъвогар топилганича йўқ. Чилилик футболчининг шартномаси 2023 йилгача амал қилади.
