"Фиорентина" президенти Рокко Комиссо Флоренция жамоасининг етакчиларидан бири Душан Влаҳович шартномасини узайтиришдан бош тортганини айтди.
"Биз бир неча ойдан буён у билан шартномани узайтириш борасида келишишга ҳаракат қиляпмиз. Влаҳович таклифимизни қабул қилмади. Биз у билан янги музокараларга киришмоқчи эмасмиз", - деди Комиссо.
Влаҳович 21 ёшда, бу мавсумда у Италия чемпионатининг 7 ўйинида қатнашиб, 4та гол ва 1 голли узатмани ҳисобига ёздириб қўйди.
Эслатиб ўтамиз, сербиялик футболчи билан амалдаги келишув 2023 йилнинг 30 июньигача амал қилади.
