Форс кўрфази мамлакатлари ўз ҳудудларида клублар ўртасида жаҳон чемпионатини ўтказиш ниятини билдиришди.
Япония мусобақани ўтказишдан бош тортгани боис, клублар ўртасидаги навбатдаги жаҳон чемпионатининг ўтказилиш жойи ҳозирча номаълум. Кўпгина мамлакатарлар коронавирус пандемияси билан боғлиқ вазият туфайли турнирни ташкил этишдан бош тортди.
Аввалроқ ОАВда Жанубий Африка Япония ўрнини эгаллаши мумкинлиги ҳақида хабарлар тарқалган эди. Аммо ҳозир, ESPN нашри маълумотларига кўра, клублар ўртасидаги жаҳон чемпионати мезбонлиги фаворитлари БАА ва Қатар ҳисобланади.
Якуний ҳукм ФИФАда қолади. Тадбир 9-19 декабрь кунлари бўлиб ўтиши кўзда тутилган.