Fors ko‘rfazi mamlakatlari o‘z hududlarida klublar o‘rtasida jahon chempionatini o‘tkazish niyatini bildirishdi.
Yaponiya musobaqani o‘tkazishdan bosh tortgani bois, klublar o‘rtasidagi navbatdagi jahon chempionatining o‘tkazilish joyi hozircha noma’lum. Ko‘pgina mamlakatarlar koronavirus pandemiyasi bilan bog‘liq vaziyat tufayli turnirni tashkil etishdan bosh tortdi.
Avvalroq OAVda Janubiy Afrika Yaponiya o‘rnini egallashi mumkinligi haqida xabarlar tarqalgan edi. Ammo hozir, ESPN nashri ma’lumotlariga ko‘ra, klublar o‘rtasidagi jahon chempionati mezbonligi favoritlari BAA va Qatar hisoblanadi.
Yakuniy hukm FIFAda qoladi. Tadbir 9-19 dekabr kunlari bo‘lib o‘tishi ko‘zda tutilgan.