Италия вице-чемпионлари ўз таркибини «Брюгге» яримҳимоячиси Ноа Ланг билан кучайтирмоқчи.
La Gazzetta dello Sport нашри хабарига кўра, кеча 22 ёшли голландиялик футболчининг агенти «россонерилар»нинг техник директори Паоло Малдини билан учрашиш учун Милан штабига ташриф буюрган. Томонлар футболчининг Сан-Сирога кўчиб ўтиши мумкин бўлган тақдирини муҳокама қилишди.
Эътиборлиси, «Брюгге» Ноа Лангни сотишга тайёр, бироқ у учун 40 миллион еврога яқин маблағ талаб қилади. Яратувчи яримҳимоячи учун курашда «Милан»нинг асосий рақиби - Лондоннинг «Арсенал» жамоаси.
Жорий мавсумда Ланг Бельгия клуби сафида 13 та ўйинда 4 та гол ва 4 та голли узатмани амалга оширди.