Испания терма жамоаси Миллатлар Лигасида италияликларни ишончли тарзда мағлуб этиб, турнир финалига йўлланма олди. "Қизил фурия" устози Луис Энрике Европа чемпионатидаги мағлубият учун олинган қасос ҳақида қандай фикрда эканини айтиб берди.
"Менга қандай қилиб босим ўтказганимиз ва вазиятлар яратганимиз ёқди. Финалга етиб келганимиздан хурсандман. Футболчилар танлаш қарорига келсак, менда 40-50 футболчи рўйхати бор, улар исталган вақтда терма жамоа лагерига чақирилиши мумкин. Вақт чекланганига қарамай, биз мақсадимизга эришдик. Кейинги рақиб? Бельгия ҳам, Франция ҳам жуда кучли. Аммо, биз бу совринни қўлга киритишга ҳаракат қиламиз",- деди испаниялик мутахассис Маrcа нашрига берган интервьюсида.
Эслатиб ўтамиз, Итаалия терма жамоаси россиялик ҳакам Сергей Карасев ҳимоячи Леонардо Бонуччини четлатганидан сўнг, иккинчи бўлимни бир киши кам бўлиб ўтказди.