«Наполи» форварди Виктор Осимхен сентябрь ойи якунларига кўра, Италия А Сериясининг энг яхши футболчиси деб топилди.
22 ёшли нигериялик форвард ушбу совринни Италия футболчилари ассоциациясидан қабул қилиб олди. Ўтган ойда Осимхен А Сериядаги 4 ўйинда 4та голга муаллифлик қилди.
«Наполи» турнир жадвалида 7-турдан кейин 21 очко билан пешқадамлик қилмоқда. Клуб кучли бешлик чемпионатларида очко йўқотмаган ягона жамоа бўлиб турибди.