Бельгия терма жамоаси дарвозабони Тибо Куртуа УЕФА Миллатлар Лигаси ярим финалидан ўрин олган Франция терма жамоаси билан ўйиндан сўнг (2:3) ўз таассуротлари билан ўртоқлашди.
"Бу жуда ачинарли ... хафа бўлдим, ҳафсалам пир бўлди. 2:0 ҳисобида олдинда бораётган ҳолда, Франция термаси каби кучли рақиб бўлса ҳам устунликни йўқотмаслигимиз керак эди. Лекин биз буни уддалай олмадик. Танаффусдан сўнг бўшашдик деб айта олмаймиз. Биз ҳам бор кучимиз билан ўйнадик. Лекин иккинчи бўлимда натижа бутунлай ўзгариб кетди", - дея сўзларини якунлади Куртуа.
Миллатлар Лигаси финалида Франция Испания терма жамоасига қарши ўйнайди. Учинчи ўрин учун баҳсда Бельгия Италияга қарши майдонга тушади.
