Бельгия терма жамоаси дарвозабони Тибо Куртуа Миллатлар лигасида Франция билан кечган ярим финал учрашуви ҳақида гапирди. Бу ҳақда «RMC Sport» хабар берди.
«Биз биринчи бўлимда жуда яхши ўйнадик, айниқса тўпга эгалик қилиш борасида. Иккинчи бўлимда улар бироз юқорироқ босим ўтказа бошлашди ва биз тўп билан ишлашда ўзимизни йўқотдик.
Голлар совға қилдик. Афсус. Мен голларнинг такроран кўрмадим, лекин биринчи ҳолатда бу тоифадаги футболчиларнинг жарима майдонида аниқ ҳаракати табиий. Иккинчи ҳолатда эса пенальтидан омадимиз келмади.
Биз билардикки, Франция билан 2:0 ҳисоби етарли бўлмаслиги мумкин. Бизда умидсизлик ҳисси йўқ.
Шанба куни Италияга қарши ўйин мантиқсиз. Кимдир Миллатлар Лигасида учинчи ўринни эгаллаши ҳеч қандай маънога эга эмас. Бу ўйин нима учун ўтказилиши кераклигини тушунмаяпман», — деди Куртуа.
