Франциянинг France Football ҳафталик нашри «Олтин тўп»га сазовор бўлиши мумкин бўлган 30 нафар футболчи рўйхатини эълон қилди. Мутахассислар ва букмекерлик идоралари бир овоздан Лионель Месси бу мукофот учун асосий фаворит деган фикрда. Аммо, кўпчилик бунга жуда ҳам қарши. Мана нима учун Леога «Олтин тўп» берилмаслиги керак. «Stadion.uz» нашри аргентиналикка нима учун ушбу совринни бермаслик кераклиги ҳақида бироз фикр юритади.

Мессининг ўтган мавсумдаги энг йирик ғалабаси Америка Кубогида қўлга киритди, Лео ниҳоят Аргентинани чемпионликка олиб келди. Албатта, бу ютуқ энг катта ҳурмат ва олқишларга лойиқ, лекин ҳақиқатан ҳам Чемпионлар лигаси ва Европа чемпионатидаги ғалабаларга тўсқинлик қила оладими? Балки Месси ғайриоддий футбол кўрсатгандир, бунинг учун у яна «Олтин тўп»ни бериши керакми? Келинг, буни аниқлайлик.

Ўтган йили клуб даражасида Месси фақат Испания Қирол кубогини қўлга киритди. Аммо, Ла Лигада учинчи ўрин, Чемпионлар Лигасида - 1/8 финалда «ПСЖ» томонидан «Барселона»нинг тор-мор этилиши. Агар, биз кубокларни ҳисобласак, у ҳолда аргентиналик футболчини ҳар томонлама мағлуб этган камида иккита рақиб бор.

Биринчиси ва энг муҳими Роберт Левандовски. Польяк ўтган йили «Олтин тўп»дан маҳрум бўлган эди, чунки бу мукофот Коронавирус пандемияси туфайли бекор қилинган эди. Агар, сиз фақат ўтган йилга назар ташласангиз ҳам, Левандовски Бундеслигада ғалаба қозонди, у ерда Герд Мюллернинг абадий рекордини янгилаб, бир мавсумда 41 та гол урди. Бунга Германия Суперкубоги, клублар ўртасидаги жаҳон чемпионати ва Чемпионлар Лигаси чорак финалига чиққан ғалабаларни ҳам қўшинг.

Гол уриш борасида Левандовски ҳам Мессидан ўзиб кетди, ҳар бир ўйинда ўртача 1,2 гол (40 ўйинда 48 гол), Лео учун 0,8 (47 ўйинда 38 гол).

«Бавария» Левандовски иштирокисиз «ПСЖ» томонидан Чемпионлар лигасидан чиқариб юборилгани жуда муҳим. Ким билади, агар немислар ҳужумида Чупо-Мотинг эмас, Роберт билан бўлганида, бу қарама-қаршилик қандай тугаган бўларди.

Яна бир совриндор йигит бор - бу Жоржиньо. Италия паспортига эга камтар бразилиялик ўтган мавсумда ўзини ажойиб тарзда очиб берди. «Челси» билан биргаликда у Чемпионлар лигасида ғолиб чиқди ва Томас Тухелнинг ротациясида асосий футболчилардан бирига айланди. «Аристократлар»нинг Чемпионлар Лигасидаги ғалабасида Жоржиньонинг ҳиссаси беқиёс. Ва бир ой ўтгач, футболчи ўз совринлар жавонига Италия терма жамоаси билан биргаликда Европа чемпионати олтин медалларини қўшди. Ҳа, у голлари бўйича Месси ва Левандовски билан рақобатлашишнинг маъноси йўқ, лекин ўзини ҳар томонлама яхши кўрсатган ва кубокларни қалаштирган футболчи эмасми?

Унинг «Челси»даги шериги Нголо Канте ҳақида унутмайлик, у уч-тўрт йил давомида Ер юзининг энг яхши таян яримҳимоячиси бўлган. Канте - кўзга кўринмас даҳо, унинг футбол иқтидори чиройли гол уриш қобилиятида эмас, балки ўйинни ақл бовар қилмас даражада тушунишда. Керакли вақтда керакли жойда бўлиш қобилияти.

Месси олтита «Олтин тўп» ни қўлга киритган, Леога еттинчи олтин тўп нимага керак? Ҳа, у Америка кубогини қўлга киритди, шунинг учун у ғалабасидан хурсанд бўлсин, нега бошқалардан муносиб мукофотни тортиб олиш керак? Шубҳасиз, агар France Football Мессига мукофотни беришга қарор қилса, «Олтин тўп» ўз қадрини йўқотади, бизнингча.

Жамшиджон Маҳмудов тайёрлади.