3 йиллик танаффусдан сўнг яна Фарғонанинг бош жамоаси Суперлига йўлланмасини қўлга киритганидан кўпчиликни хабари бўлса керак. Бу мавсумда Про-лигадаги клублардан даражаси юқорилигини кўрсатган “Нефтчи” мавсумни қандай ўтказган? Бундай ишончли ғалабаларга кимлар сабабчи эканлигини бу галги мақоламизда тўхталиб ўтишга ҳаракат қилдик.
Кучайтирилган Таркиб
Мавсум аввалидан миқиёс бўйича мамлакатимизнинг 1-рақамли лигасига чиқишни ўз олдига жиддий мақсад қилиб олган “буюк чинорлар” таркибида жиддий ўзгаришлар қилди. Тажрибасиз ва янги бош мураббий талабига жавоб бера олмаган футболчилар билан хайрлашган клуб раҳбарияти таркибига жуда катта тажрибага эга бўлган футболчиларни қўшиб олди. Хусусан, миллий терма жамоа таркибида бир неча йиллар ҳаракат қилган футболчилар: Акмал Шораҳмедов, Акбар Тўраев, Шавкат Муллажонов каби бир қатор яхши савиядаги футболчилар клубга таклиф этилди.
Сифатли Легионерлар
Таркиб ҳақида гап кетганда албатта легионерларсиз иш битмайди. Клуб вакиллари бу ишни ҳам ўз маромига етказиб бажаришди десак ёлғон бўлмайди. Марко Обрадович, Александр Станоевич ва Александр Ешич каби савияли ( Суперлигани даражасида қандайлиги номаълум) айнан чемпионатдаги клубларда ҳаракат қилаётган футболчилардан бир бош устун футболчиларни жамоага қўшиб олгани йил давомида клубга қўл келди.
Тажрибали Мураббий
Ўз таркибига анчагина номдор футболчиларни йиғиб олган жамоа уларга бош бўла оладиган мураббийни ҳам топа олди. Бу ўша Наманганнинг “Навбаҳор” жамоаси собиқ бош мураббийи Илҳом Мўминжонов эди. Водий футболи унга жуда таниш эканлиги ва футболчилар билан ишлашдаги ўзига ҳос қаттиққўллик унга бутун мавсум давомида жамоани ҳотиржамликка берилишига йўл қоймади. Бу эса якунда Про-лига чемпионлиги ва орзуқиб кутилган йўлланмани бир неча тур аввал ҳал қилиш имконини берди.
Жонкуяр Мухлислар
Ва энг сўнггида ўша машхур мухлислар... Ўткан мавсум сўнггидаги “Турон”га қарши ўйин барчангизни ёдингизда бўса керак, ўша машхур мухлислар мана шулар. Жамоасининг мағлубиятили кунларида ҳам жамоа билан елкадош бўлганлар мана ғалабали кунларда ҳам улар билан бирга. Улар бу онларни 3 йил кутишди ахири “суюклилари” уларга узоқ кутилган дамларни келтиришди. Бутун мавсум давомида хоҳ Самарқанд бўлсин, хоҳ Бухоро ҳар қандай шароитда жамоа билан бирга бўладиган ишқибозлари бор бўлган клуб Суперлигага ҳақли....
Абдубурхон Мамажонов тайёрлади.
