«МЮ» клубининг собиқ ҳимоячиси Жон О'Кейн Сульшер ҳақида гапирди. У «Mirror» нашрига интервьюсида бу ҳақда шундай дейди:

«Биз биламизки, Сульшер мухлисларни тинчлантириш учун олиб келинганди. Чунки Моуриньо даври жуда мураккаб бўлган. У клубга келди ва илиқ муносабат кўрди. У яхши инсон, яхши футболчи аммо мураббий эмас. У «МЮ» учун  муносиб мураббий эмас. Буни уни ўз атрофига йиғган инсонлардан кўрсак ҳам бўлади. У ўтган мавсумда «Тоттенхэм»га 6-1 ҳисобида мағлуб бўлганидан буён иккита таянч футболчиси билан ўйнайди. Хавфсиз йўл-а? Мен буни ўзини суғурталаш деб атайман. Клуб яхшироқ мураббийга муҳтож».

Клуб ФИФА кунларидан кейин «Лестер» майдонига сафар уюштиради.