«Барселона» бош мураббийи Рональд Куман Каталония клубини бошқаришда давом этади.
Бу ҳақда клуб президент Жоан Лапорта маълум қилди. Раҳбарият голландиялик мутахассисга тўлиқ ишонади.
«Биз Хави билан тез-тез мулоқот қилиб турамиз, чунки биз ўзаро дўстлармиз. Биз Гвардиола билан ҳам худди шундай гаплашамиз. Бироқ бу янги лавозим борасида аниқ нарсаларни билдирмайди.
Куман - «Барселона» фахри. Биз мураббийимизга, унинг қобилиятига ишонч билдиришимиз керак. Ҳозирги вазиятни ўзгартириш ва натижаларни яхшилаш керак.
Мен ҳеч қачон «Барселона»га Куман керак эмас деб айтмаганман. У бизнинг ишончимизни оқлади. Ҳозирги вақтда бу энг яхши ечим. Биз Куман билан охиригача бирга бўламиз», дейди Лапорта.
