УЕФА Миллатлар Лигаси финал Испания - Франция учрашувининг 80-дақиқасида Килиан Мбаппе терма жамоасининг ғалаба тўпини киритди, бу вазиятда ҳакамлар гуруҳи томонидан офсайд йўқ деб топилди. Келинг, ҳакамлар қарорига аниқлик киритамиз, чунки ҳужумчи пас узатилаётган вақтда ўйиндан ташқари ҳолатда эди.

Учрашув давомида ВАРда ишлаган Стьюарт Аттвел ва Крис Кавана ушбу вазиятни текшириб кўришди ва ҳимоячи Эрик Гарсия тўпни чап оёғи билан ўйнаганига ишонч ҳосил қилишди. Бу тегиниш - рикошет эмас, балки атайин қилинган ҳаракат эди. Шунинг учун Мбаппеда офсайд позицияси аниқланмади. Натижада, учрашув бош ҳаками Энтони Тейлор ВАРдан голни бекор қилиш учун сабаб йўқлиги ҳақида хабар олди ва гол инобатга олинди.