Англия терма жамоасининг собиқ ҳужумчиси Габриел Агбонлаҳор "Ньюкасл" янги раҳбариятига ўз таркибини кучайтиришда маслаҳат берди.
"Мен ақл бовар қилмас миқдорда пул тўлаш шарт бўлмаган футболчиларни танлаган бўлардим. Масалан, Ремси. Аарон "Ювентус"да кўп ўйин амалиёти олмаётганига қарамай, яхши футболчи бўлиб қолаверади. Яна Коутиньони ҳам сотиб олса бўлади. "Барселона"да у керакли даражада ўйнай олмади. Уни клуби ҳар қандай пул эвазига қўйиб юборади, чунки уларни "Ливерпуль"дан ҳали ҳам қарзи бор", - деди Агбонлахор.
Эслатиб ўтамиз, Саудия Арабистони инвестиция фонди "Ньюкасл"ни 300 миллион еврога сотиб олишган. Клубнинг аввалги эгаси тадбиркор Майк Эшли эди.
