«Атлетико» бош мураббийи Диего Симеоне Лионель Мессининг «Атлетико»га трансфери бўйича ўтказилган музокаралар ҳақидаги маълумотларга изоҳ берди.
«Мен сизга ҳаммаси қандай бўлганини батафсил айтиб бераман. Ўзаро ҳурматимиз туфайли Мессига ўзим қўнғироқ қилмадим, лекин Луис Суаресдан шундай қилишни сўраганман.
Мен ундан Леонинг «Атлетико»га ўтиш эҳтимоли қандайлигини билишни хоҳлардим. Аммо тез орада «ПСЖ» ушбу трансферни расман эълон қилди.
Агар сиз Месси қаерда ўйнаши кераклигини сўрасангиз, мен бунга жавоб бера оламан. У ғалаба қозониш кўрсаткичи юқори бўлган жамоада ўйнаши керак», - дейди Симеоне.
