«Севилья» Испания президенти Хосе Кастро нима учун Андалусия клуби ҳимоячи Жюль Кундени Лондоннинг «Челси» клубига қўйиб юбормаганини тушунтирди. Лондонликлар Жюль учун тахминан 50 миллион евро таклиф қилишди.
«Ҳа, биз «Челси»нинг яхши таклифини рад қилдик, улар ҳақиқатан ҳам 50 млн таклиф қилишди. Молия тақчиллигини ёпишимиз мумкин эди. 400 миллионлик жамоанинг умумий нархини ҳисобга олсак, қанча испан клублари бундай таклифни рад этишини ҳам билмайман.
Биз асосий футболчиларни сотмасликка қарор қилдик, биз кучлироқ жамоа тузмоқчимиз. Бу амбиция дейилади. Ва бу жуда нормал ҳолат. Молиявий муаммоларга келсак, улар биринчи навбатда пандемия билан боғлиқ»,- деди Кастро Diario de Sevilla манбасига.
