«Брюгге»нинг 22 ёшли вингери Ноа Ланг фаолиятини «Арсенал»да давом эттириши мумкин. Бу ҳақда Voetbal 24 хабар беради.
Манбага кўра, «канонирлар» «Брюгге» футболчиси учун 30 миллион евро тўлашга тайёр. Келишув январь ойида, қишки трансфер ойнаси очилган пайтда амалга ошиши мумкин.
2021/2022 йилги мавсумда Ланг Бельгия чемпионатида «Брюгге» таркибида 10 та ўйин ўтказди. Ёш голландиялик футболчининг ҳисобида 3 та гол ва 4 та голли узатма бор.
Шунингдек, «Арсенал»дан ташқари, Лангнинг хизматларига «Лидс Юнайтед» ҳам қизиқиш билдирмоқда.
